قال الشاعر الفلسطيني نعمان الجلماوي واصفا جبع-جنين:

قبل نفتل ع.مسرحنا الســـتارة...
حابب لجــبـــع سمع عبارة...
انو نبعها الدفاق أطهر...
من الزهر الندي الكلو طهارة...
جبع ام العموم ومين انكر...
فضلها ع.الشباب وع.العذارة...
محبتها بفؤادي عم بتكبر...
مثل الدائرة بماء البحارة...
انا وحريش* وانتو بكل محضر...
سند الها اذا بينشن غارة...
ومعانا قرر الدبرون* يسهر ...
وصخورك يا جبل معنا سهارا...
لهالساحة* اللي غدت للفرح مصدر...
يارب اتضل تعطيناالبشارة...
ومش أول زيارة فن بحضر...
بإذن الله مش آخر زيارة...
خلق ابنك صناعي وكان أمهر...
قبل ما يعرفوا الناس المهارة...
جمع من مائك وطينك وصدر...
قرى الفخار* أغلى من المحارة...
حلاها ع.مدار العام اخضر ...
ما بقلش عن الجنة نضارة...
بجافا* وبسباتا* بضل أفخر ...
جبع تاريخها مجد وحضارة...
القمر لو طل جانبها وتصور ...
ترجاها تاتمضي الاستمارة...
راح بأكد حقيقة بهيك منبر ...
الي عدة سفارات ببلدكم... وبجلمتنا انا الكم سفارة!!

*حريش: هو احد جبال جبع واعلى جبال جنين يصل طوله حوالي800كم
*دبرون: احد جبال جبع.
الفاخورة: هي أحد ما تشتهر به جبع، حيث تعد البلدة الوحيدة المنتجةللفخار في جنين.
*جافا وسباتا:خربتان من خرب جبع وهي مناطق أثرية وقديمة جدا.
*الساحة: ساحة تتوسط البلدة وبها تقام غالبية حفلات الاعراس.

ملاحظة

مضمون المقالات، المقابلات، أو الافلام يعبر عن الرأي الشخصي لمؤلفها وفلسطين في الذاكرة غير مسؤولة عن هذه الآراء. بقدر الامكان تحاول فلسطين في الذاكرة التدقيق في صحة المعلومات ولكن لا تضمن صحتها.