فلسطين في الذاكرة سجل تبرع أفلام نهب فلسطين إبحث

 بيت كل الفلسطينيين على شبكة الإنترنت

  English Version
الصفحة الأولى  صور  خرائط تاريخ شفوي حق العودة 101 نظرة القمر الصناعي أعضاء الموقع  الصراع للميتدئين إتصل بنا من نحن
ابو خضر السلمان قرية سلمة/ يافا
شارك في تعليقك (تعليقين)		 أرسل لصديق  
العودة إلى سلمة

مشاركة mohammad abu al-anain في تاريخ 14 آذار، 2008

ابو خضر السلمان

قرية سلمة/ يافا

العمر: عشرين سنة يوم النكبة



كنت اشتغل بالبيارات بسلمة، كنا قريبين كتير من تل ابيب، بالكتير ستة كيلو بينا وبين يافا، كانت العلاقات بيننا وبين اليهود منيحة، بعدين صارو يبنو بتل ابيب ويستعمرو الاراضي، مكانش اسمها تل ابيب، كانت تل ابيب جزء من شط يافا، كان بيننا وبين اليهود ارض صغيرة خالية.



التغير بالامور صار بعد ما اتخذو قرار التقسيم سنة ال 1947، صارت الاشتباكات بين اليهود والعرب، استمرت بسبب انه الانجليز كانو بدهم ينسحبو من فلسطين ب 14 ايار،



قعدنا في حالة دفاع قوي مدة خمس اشهر، وكنا صامدين في قرانا طول الفترة من يوم قرار التقسيم بتشرين الثاني 1947 حتى ربيع ال 1948، بعدها اتغيرت الامور، صار عندهم سلاح اكتر وافضل اليهود، واحنا ما عنا الا البواريد، هما صار عندهم المورتر، بشهر اربعة سقطت يافا.



اليهود ضربو القري الفلسطينية المجاورة النا، وخشو على هاي القرى وعملو الفظايع تاعتهم، احنا طلعنا مشي، اليهود ما سكرو طريق الخروج من القرية وانما سكرو الطرق الفرعية، احنا طلعنا من سلمة ب 17/4/1948، طلعنا بموسم البرتكان، اشتغلنا شهر بالبرتكان قبل ما نهاجر من سلمه، البلد تاعتنا كانت بعيده عن الضفة الغربية، عشان هيك كانت صعبة علينا نرجع بالتهريب عالبلد عشان نلقط البرتكان.



اول اشي وصلنا لقرية صرفند، يعني على حدود قرار التقسيم، بعديها اليهود احتلو صرفند اللي خارج حدودهم المفروض تكون، بعديها هربنا على اللد، وصارت مأساة اللد واتهجرت اللد، قعدنا بس يومين باللد، وتاني يوم بالسماعة اسمعناهم يقولو اخرجو من البلد فوراً، وضلينا نمشي نمشي عالجبال، في ناس كتير عالطريق ماتو، وكانت كتير شوب، ما كانو يسمحولنا اليهود يومها انه نمشي عالشارع الرئيسي عشان هيك خلونا نمشي عالجبال، وبعدها مشينا برحلة العزاب من بلد لبلد.



انا رحت ازور يافا بعد النكسة، مش خايف اشوف سلمة، بس ما سنحت فرصة اني اوصل سلمة، سلمه جاي هلأ بقلب تل ابيب، بس اصحابي اللي زاروا سلمه قالولي انه سلمه مش موجوده عالخارطه هلأ وصارت حي من احياء مدينة تل ابيب.





إذا كنت مؤلف هذه  قصه وأردت تحديث المعلومات، انقر على ازر التالي:

ملاحظة

مضمون المقالات، المقابلات، أو الافلام يعبر عن الرأي الشخصي لمؤلفها وفلسطين في الذاكرة غير مسؤولة عن هذه الآراء. بقدر الامكان تحاول فلسطين في الذاكرة التدقيق في صحة المعلومات ولكن لا تضمن صحتها.

 

شارك في تعليقك

مشاركة ناصر في تاريخ 15 أيلول، 2008 #52141

السلم عيكم السؤال قرية سلمة الى اي قضاء كانت تتبع قبل النكبة عام1948
مشاركة صالح في تاريخ 11 حزيران، 2008 #41686

ممكن حدا يخبرني عن دار ابوربيع من سلمه
 

 
العودة إلى سلمة

الجديد في الموقع

الصفحة الأولى | من نحن | الخرائط |  حق العودة 101 | صور  | إبحث
 الصراع للميتدئين | تسلسل زمني للتاريخ الفلسطيني | حسابك | سجل الزوار | روابط | نهب فلسطين 101 | إتصل بنا
تاريخ شفوي | تبرع

  كل حقوق الطبع محفوظه. 1999-2006 @